ساعد في توصيل المياه الآمنة لبيوت الأطفال في مصر
من اليوم اللي اتولد فيه محمد من ١٢ سنة لحد النهارده، مفيش حد في قريته قدر يوصل لمياه شرب آمنة.
محمد هو الأخ الأكبر لإخواته الستة، وده خلاه يتحمل عبء إنه يروح يوميياً مسافة ٣ كيلومتر، عشان يقدر يحصل على المياه من القُرى المجاورة. بتفتقر أماكن كتيرة في مصر لوجود المياه في البيت؛ بسبب التكلفة المرتفعة للتركيبات اللي العائلات مش هتقدر عليها.
محمد بيقول: "قريتنا مفيهاش مياه للشرب. عشان نوصل للمياه، كان لازم نأخد حمار ونروح به ناحية الغرب عشان نلاقي حد عنده حنفيات".
"في ناس رفضوا يدونا مياه، وصرخوا فينا وهم بيقولوا، ’المياه دي بفلوس. هتدفع، هتشرب‘".
كل حاجة اتغيرت السنة اللي فاتت لما برنامج مدعوم من يونيسف وصل المياه لبيت محمد – واحد من ٥٥٠ وصلة مياه و ٤٠٠ وصلة صرف صحي من اللي اتعملوا في محافظة سوهاج في مصر.
محمد بيضيف: "مكناش متوقعين إن ممكن يبقى عندنا حنفيات نشرب منها في بيتنا. كنت متخيل إني هقضي حياتي في مشاوير للبحث عن المياه".
لسه كتير من أصحابه بيتحملوا مشاق الوصول للمياه يوميياً. محمد بيحلم بعالم يقدر فيه كل طفل يحصل على مياه آمنة.
"أهم حاجة في الدنيا هي رشفة المياه".
للأسف، دي مش معاناة محمد لوحده! دي كمان معاناة ١٢,٥ مليون شخص في مصر مش بيقدروا يوصلوا لمياه آمنة و خدمات صرف صحي ملائمة. بيواجه الأطفال يومياً خطر المرض اللي بدوره بيأثر بشكل سلبي على صحة الأطفال وتغذيتهم، وبيمثل عوائق في رحلتهم التعليمية، ويعيق إمكاناتهم.
أخيراً هيقدر محمد يركز على دراسته ومستقبله بعد ما وصلت المياه بيته. لكن لسه فيه كتير من الأطفال محتاجين مساعدتنا.
الوضع الحالي بالأرقام
لسه حوالي ١١٪ من السكان محتاجين مياه آمنة في بيوتهم. بفضل دعم وكرم المتبرعين اللي زيك، قدرت يونيسف انها تلتزم بمهمتها. بنوعدك ان كل جهودنا هتستمر لحد ما كل طفل يكون عنده الأساسيات اللي هتساعده يكبر بكل صحة وأمان.
١٥٠,٠٠٠ شخص حصلوا على مياه آمنة في البيوت بفضل برامج يونيسف
١,٥ مليون طفل استفادوا من ممارسات التوعية بالنظافة الشخصية اللي بتقدمها يونيسف
١١٤ وحدة رعاية صحية أساسية تم إصلاحها وتزويدها بمرافق المياه والصرف الصحي بدعم من يونيسف
أنت التغيير
مع بعض هنقدر نصنع تغيير دائم للأطفال في مصر
تبرعك هيفرق كتير. بدعمك، هتقدر يونيسف إنها توفر المياه الآمنة وحملات التثقيف الصحي للأطفال والعائلات في المناطق الأكثر احتياجاً.
إيدك في إيدينا نقدم وصلات مياه مباشرة لبيوت الأطفال والمجتمعات الفقيرة، ونحسن خدمات المياه والصرف الصحي في المدارس المصرية ، وبكده هنضمن إن كل الطلاب يوصلوا بسهولة لمياه آمنة وخدمات صرف صحي ملائمة.
تبرعك النهارده هينهي المعاناة اليومية لطفل للوصول للمياه وهيحطنا على الطريق الصح لتغيير مستقبل الأطفال في مصر للأفضل.
عملنا في مصر
يونيسف عندها تاريخ طويل ومؤثر في مصر بيرجع لافتتاح مكتبها القطري لأول مرة في سنة ١٩٤٦م. لمدة أكتر من ٧٠ سنة، قدرت يونيسف تحقق إنجازات غير مسبوقة في مجالات الصحة والتعليم. في السنين الأخيرة، الإنجازات دي اتضمنت:
في سنة ٢٠٢١، ساعدت يونيسف في توصيل أكتر من ٦٠ مليون جرعة تطعيم ضد فيروس كورونا إلى مصر، وده بدوره بيؤكد التزامها بالسلامة والصحة العامة.
بحلول سنة ٢٠٠٩، اتنفذ برنامج التعليم الشامل على مستوى سبع محافظات، وصل لأكتر من ٣٠٠,٠٠٠ طالب وطالبة وضمن فرص تعليم متساوية
في سنة ٢٠٠٦، أُعلِن خلو مصر من شلل الأطفال، وده دليل على المجهودات العظيمة لحملات التطعيمات
الأسئلة المتداولة
ونيسف هي منظمة الأمم المتحدة للطفولة، مهمتها حماية حق كل طفل إنه يعيش حياة سعيدة وصحية. بنساعد في توفير الخدمات الطبية ، ووصلات المياه الآمنة، والتعليم عالي الجودة، والتغذية السليمة للأطفال والنشء وبالأخص الأكثر احتياجاً في مصر بما فيها حالات الإغاثة والطوارئ.
الدعم السخي اللي بنحصل عليه من المتبرعين اللي زيكم، بيساعدنا نغير حياة الملايين، وننشر الأمل لمستقبل أفضل. بنعلب دور فعال في أكتر من ١٩٠ دولة لإنقاذ وحماية عدد لا يمكن حصره من الأطفال أكتر من أي منظمة إنسانية تانية. وعمرنا ما هنستسلم أو ننسى مهمتنا.
في يونيسف، بنشتغل في أكتر الأماكن صعوبة في العالم للوصول للأطفال الأكثر احتياجاً عشان ننقذ حياتهم، وندافع عن حقوقهم، ونساعدهم يوصلوا لإمكاناتهم.
في مصر، اشتغلنا مع الحكومة ومنظمات المجتمع المدني والشركات لمدة ٧٨ سنة؛ عشان نوفر وصول عادل للخدمات الاجتماعية والصحية والتعليمية، وكمان عشان نحمي الأطفال من كل أشكال العنف .
دعمك هيساعدنا نكمل رحلتنا ونضمن إن كل طفل في مصر وحول العالم يكبر بصحة وقوة ويحقق كل أحلامه.
لو لسه عايز تعرف معلومات أكتر عن يونيسف وشغلها، زور: https://www.unicef.org/egypt/
كيد، يونيسف بتجمع تبرعات في مصر وفي بلاد ثانية حول العالم. تعتمد يونيسف على المساهمات الطوعية من الجهات المانحة العامة والشركات والمؤسسات والأفراد. بنستخدم الأموال اللي بيتم جمعها في مصر لبرامجنا في مصر، وده بدوره بيوفر الأمل والمساعدة للأطفال الأكثر احتياجاً.
كل تبرع، بغض النظر عن مقداره، هيساعد في حماية ورعاية حياة طفل. هتقدر بكل أمان إنك تقدم تبرع لمرة واحدة أو تبرع شهري من خلال موقعنا الإلكتروني عن طريق الضغط على زر "تبرع الآن". مش بنحط أي قيود على مقدار التبرع، فبالتالي بتقدر تختار تتبرع مرة واحدة أو كل شهر، وتحدد حجم التبرع، وكمان هتقدر تغير التبرع أو تلغيه تمامًا وقت ما تحب.
علشان تساعد على إحداث تغيير جذري في حياة الأطفال الأكثر احتياجاً، محتاج يكون دعمك مستمر. كل ما تستمر في التبرع أكتر، كل ما يكون أثر تبرعك أقوى. مساعدتك المستمرة على المدى الطويل هتغير حياة أطفال كتير.
بفضل الدعم المستمر من متبرعينا، قدرت يونيسف تستجيب بسرعة وفعالية لحاجة الأطفال في مصر وكل مكان في العالم.
لفلوس اللي بتتجمع بيتم إنفاقها على مبادرات في مصر.
لفلوس اللي بتتجمع هتدعم برامجنا للأطفال في مصر، وهتركز على توصيل المياه الآمنة ، والرعاية الصحية الجيدة، والتعليم و رسم مستقبل مبهر لكل طفل. تقدر تلاقي معلومات أكتر عن شغل يونيسف فـي مصر على موقعنا:https://www.unicef.org/egypt/
هيخلق تبرعك الشهري تغيير دائم عن طريق إنه هيضمن إننا نقدر نقدم دعم مستدام للأطفال الأكثر احتيا وكمان هيساعدنا نخطط أحسن ونوصل لأعداد أكبر من الأطفال بمساعدات منقذة للحياة. لو اخترت إنك تبقى متبرع شهري، معناها إنك بتختار تبقى جزء أساسي من مهمتنا في توفير أمل ومستقبل أحسن للاطفال كل يوم.
نضمنلك إننا نستمر على التواصل معاك بالأثر اللي صنعه تبرعك في حياة الملايين في مصر عن طريق استلام تحديثات منتظمة على الإيميلات والمراسلات الرقمية.
هتستلم إيميل فيه إيصال تأكيد استلام لتبرعك مباشرة بعد ما تتم عملية التبرع بنجاح. لو موصلكش إيميل، ممكن تتواصل معانا على infosupport@unicef.org
فريق خدمة المتبرعين موجود عشان يساعدك. تواصل معانا على infosupport@unicef.org وهنساعدك بكل سرور بخصوص أي استفسار.
أكيد، التبرع أونلاين آمن تمامماً. بيانات بطاقة البنك بتكون مؤمنة من معالج الدفع الخاص بنا، وده بيضمن حماية معلوماتك. يونيسف بتوصل بس لبيانات الاتصال اللي بتوفرهالنا.
نطاق العمليات الحالي في مصر مش بيشمل استلام يونيسيف للمساعدات غير الماليّة من المتبرعين. يونيسف بتوفر مواد زى اللقاحات والأدوية والأدوات التعليمية وغيرها... بناءاً على المواصفات المطلوبة بالظبط على أرض الواقع وده بعد التشاور مع الحكومة المصرية.
انضم لينا عشان تصنع فرق عن طريق التطوع من خلال برنامج متطوعين الأمم المتحدة . لو عندك شهادة جامعية وخبرة عملية، شوف آخر فرص التطوع بتاعتنا على Volunteers at UNICEF | UNICEF Careers.
مهاراتك وحماسك هيساعدوا على تغيير حياة الأطفال في مصر وحول العالم.