«Жылыну үшін қалың көрпені қайдан аларымызды білмейміз, матрас та, жастық та жоқ», — дейді Джури, 9 жаста.
Қыстың басталуы – нөсер жауын, қатты жел, төмен температуралар – Джури сияқты балалар мен отбасыларды азаптан азапқа салып жатыр.
Ұрыс қимылдары өршіген екі ай ішінде Джури сияқты 1,9 миллионға жуық адам Газа секторындағы үйлерін тастап кетуге мәжбүр болды. Ұрыс қимылдары салдарынан қоныс аударған және қолдан жасалған уақытша күркелерде тұратын отбасылар қыстың жауын-шашынды ауа-райы алдында ерекше ұрымтал, өйткені су тасқыны мен жылытуға қажет отын тапшылығы тыныс алу ауруларына және басқа да сырқаттарға шалдығу қаупін төндіреді. Көпшілігі жылыну үшін көрпе таппай жатыр. Матрас та, жастық та жоқ, сондықтан балалар мен отбасылардың күркеде, жерде ұйықтаудан басқа амалы жоқ.
ЮНИСЕФ сондай қажет қысқы заттармен балаларды қамтамасыз ету үшін серіктестерімен жұмыс істеп жатыр. Бірақ қажеттіліктер орасан зор. Газа секторындағы балалар өмірлік маңызы бар қолдау мен қажетті заттарға қауіпсіз және үздіксіз қол жеткізуге мұқтаж.
rgb(227,225,220)
Газа секторындағы жағдай туралы сандар сөйлейді
3,1 миллионға жуық
адам мұқтаж
1,9 миллионнан астам адам
үйлерін тастап кетуге мәжбүр
миллионға жуық бала
Газа секторында зардап шекті
rgb(227,225,220)
Сіз қалай көмектесе аласыз?
Газа секторының оңтүстігінде қақтығыс қазір ушығып тұр, біздің сол жердегі ұжымымыз көбірек балалар мен отбасыларға шұғыл көмек көрсетуді жалғастыра беру үшін Сіздің қолдауыңызға мұқтаж, өйткені олар аса күрделі логистикалық және қауіпсіздік мәселелерін шешу жолдарын іздеп, тауып та жатыр.
Сіздің қолдауыңыз көбірек балалар мен отбасыларды келесілермен қамтуға көмектеседі:
a. Дәрі-дәрмектер, себебі, жаралы балалар мен отбасыларға, қазір өзін және балаларын асырай алмай қиналып жүрген жүкті және бала емізетін аналарға көмек көрсету үшін қажет;
b. Қысқы заттар, себебі, температура төмендеп барады, ал медициналық бригадалар бес жасқа дейінгі балалар арасында жедел респираторлық аурулар және диарея көбейіп кеткенін байқаған;
c. Ақшалай көмек, себебі, анағұрлым ұрымтал үй шаруашылықтары, соның ішінде жалғызбасты аналар мен мүгедектігі бар балалары бар отбасылар осындай көмекке аса мұқтаж.
d. Таза және қауіпсіз су, санитарлық және гигиеналық заттар
Газа секторындағы балалардың уақыты аз, қажетті қызметтерді көрсету үшін олар суға, азық-түлікке, медициналық көмекке және отынға қауіпсіз және үздіксіз қол жеткізуге аса мұқтаж.